На 06.10.2024 заврши 15-тиот Јадранско-подунавски куп во риболов на крап и амур кој се одржа на езерото Мавровица од 03-06.10.2024, со натпреварувачи од пет балкански држави.Во лоши временски услови, со неизвесна борба до крај, победата ја однесе екипата СО2 од ЗСРРК Вардар од Скопје, Р. Македонија.Второто место припадна на екипата Team Mojo од Р. Бугарија, а третото место го освоија натпреварувачите од УСР Шаран - Кикинда, Р. Србија.Пехарот за најголема уловена риба го доби третопласираната екипа од Шаран - Кикинда.Честитки за сите натпреварувачи и учесници како логистика за одлично организираниот натпревар.Благодарност до домаќинот Кире - КД Електроника за целосната поддршка од негова страна.Бистро!

На 23.10.2024 на езерото Мавровица се одржа првиот државен куп во дисциплина фидер -метод во организација на МРФ.Натпреварот помина во одлична атмосфера со фер однос од сите учесници.Победник на купот е Дејан Николов од Крап Виница, второто место го освои Станислав Јованов од Крап Виница кој воедно ја улови и најголемата риба на денешниот натпревар, крап од 20 кг, а третото место припадна на Томе Моневски од Миа Екофиш Скопје.Во прилог се дел од фотографиите од одржаниот куп.Бистро!

Почитувани колеги, На 27.11.2022 година на езерцето во Градски парк во Скопје се одржа првиот Државен куп на Македонија во дисциплина „фидер“, на кој земаа учество 14 натпреварувачи од повеќе клубови и здруженија. Првото место го освои Марјан Ристиќ, второто место Нино Сидовски и трето место Мики Илиевски. Во прилог фотографии од првиот државен фидер куп. Македонска Риболовна Федерација

На 22.04.2018 и 28.04.2018 на реката Сатеска се одржаа четирите кола од Мушичарска лига 2018. Учество земаа 11 натпреварувачи, а победници беа: 1 место - Јулио Божиноски од РИБАР 2011 2 место - Зоран Трајковски од РИБАР 2011 3 место - Александар Цветановски од РИБАР 2011