Во пeриод 03.08-08.08.2015 година, во организација на Сојузот на спортски риболовци на Србија, на каналот на железарницата во Смедерево, се одржа Светско првенство за најмлади категории натпреварувачи U14, U18 и U23.

На ова првенство во категорија на натпреварувачи до 23 години, во конкуренција на 99 натпреварувачи од 21 држава, учествуваше и репрезентацијата на Република Македонија во состав:

1. Мартин Младеновски
2. Рамиз Малику
3. Славко Казаков
4. Ерџан Шамаковски
5. Тео Стојановиќ

Во конкуренција на натпреварувачи до 14 години учествуваа 10 репрезенации со вкупно 50 натпреварувачи а во конкуренција на натпреварувачи до 18 години се натпреваруваа 16 репрезентации со вкупно 64 натпреварувачи.

Учеството на нашата репрезентација е од историска важност за спортскиот риболов во Република Македонија поради фактот што за прв пат една наша репрезентација учествува на Светско првенство за најмлади категории натпреварувачи.